இந்தி சினிமாவில் போட்டி அதிகம்: ரெஜினா காஸண்ட்ரா தகவல்

நடிகை ரெஜினா காஸண்ட்ரா இப்போது ‘விடாமுயற்சி’ படத்தில் அஜித்துடன் நடித்துள்ளார். இந்தி படங்களிலும் நடித்து வரும் அவர் பாலிவுட்டுக்கும் தென்னிந்திய திரைத்துறைக்குமான வித்தியாசம் பற்றிப் பேசியுள்ளார். இதுபற்றி அவர் கூறியதாவது:

தென்னிந்திய சினிமாவில் இருந்து இந்தி சினிமா துறைக்கு வருபவர்களுக்கு மொழி முக்கிய பிரச்சினையாக இருக்கிறது. இந்தியை சரியாகப் பேசாவிட்டால் அங்கு வாய்ப்பு கிடைப்பது கடினம். அந்த விஷயத்தில் அவர்கள் மன்னிக்காதவர்கள். ஆனால் தென்னிந்திய சினிமாவில் மொழி தெரியாவிட்டாலும் வாய்ப்பு கிடைக்கும். நான் இந்திப் படங்களில் நடிக்க விரும்பியபோது, மும்பையில் தங்கி வாய்ப்புத் தேட வேண்டும் என்று சொன்னார்கள்.