உ.பி to ஹைதராபாத் சைக்கிள் பயணம்: அல்லு அர்ஜுனை காண வந்த ரசிகர்!

ஹைதராபாத்: நடிகர் அல்லு அர்ஜுனைக் காண அவரது ரசிகர் உத்தரப் பிரதேசத்தில் இருந்து ஹைதராபாத்துக்கு சைக்களில் பயணம் மேற்கொண்டுள்ளார். அவர் அல்லு அர்ஜுனை நேரில் சந்தித்துப் பேசும் வீடியோ வைரலாகி வருகிறது.

தெலுங்கு நடிகர் அல்லு அர்ஜுனின் ரசிகர் ஒருவர் உத்தரப் பிரதேசம் மாநிலம் அலிகாரில் இருந்து ஹைதராபாத்துக்கு சைக்கிளில் சென்றுள்ளார். கிட்டத்தட்ட 1,600 கிலோ மீட்டர் தூரத்தை அவர் சைக்கிளில் கடந்துள்ளார். இறுதியாக ஹைதராபாத்தில் நடிகர் அல்லு அர்ஜுனை நேரில் சந்தித்த அவர், நெகிழ்ச்சியுடன் தனது பயணம் குறித்து விவரித்துள்ளார். இதனைக் கேட்டு ஆச்சரியமடைந்த அல்லு அர்ஜுன், அவர் திரும்பி செல்வதற்கான ஏற்பாடுகளை செய்து தரும்படி தனது உதவியாளரிடம் கூறினார். இது தொடர்பான வீடியோ சமூக வலைதளத்தில் வைரலாகி வருகிறது.