‘சார்’ ஒளிப்பதிவாளரின் ஃபேன்டசி ஆசை

நடிகர் போஸ் வெங்கட் இயக்கத்தில் கடந்த வாரம் வெளியான படம் ‘சார்’. விமல், சாயா தேவி கண்ணன் உட்பட பலர் நடித்துள்ள இந்தப் படத்துக்கு ஒளிப்பதிவு செய்தவர், இனியன் ஜே ஹாரிஸ். அவர் கூறியதாவது:

இந்தப் படத்தில் எனது ஒளிப்பதிவு பேசப்பட்டிருப்பதில் மகிழ்ச்சி. இயக்குநராக வேண்டும் என்றுதான் சினிமாவுக்கு வந்தேன். டெக்னிக்கலாக ஏதாவது கற்றுக்கொள்ளலாம் என ஒளிப்பதிவு படித்தேன். தற்போது முழுநேர ஒளிப்பதிவாளராகி விட்டேன். பாம்பாட்டம், கெட்டவன்னு பேரெடுத்த நல்லவன்டா, சம்பவம், கன்னிமாடம் உட்பட சில படங்களுக்கு ஒளிப்பதிவு செய்துள்ளேன்.