‘அமரன்’ பார்த்த ராணுவ அதிகாரிகளின் பாராட்டு: சிவகார்த்திகேயன் மகிழ்ச்சி

‘அமரன்’ பார்த்துவிட்டு ராணுவ அதிகாரிகளின் வெளிப்படுத்திய பாராட்டால் சிவகார்த்திகேயன் மகிழ்ச்சியில் இருக்கிறார். தீபாவளி வெளியீடாக திரைக்கு வரவுள்ளது ‘அமரன்’. ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி உள்ளிட்ட பலர் நடித்துள்ள ‘அமரன்’ படத்தினை சோனி நிறுவனம், கமல் மற்றும் மகேந்திரன் இணைந்து தயாரித்துள்ளனர். ரெட் ஜெயண்ட் நிறுவனம் வெளியிடுகிறது. அனைத்து மொழிகளிலும் வெளியாவதால் படக்குழுவினர் அனைத்து இடங்களிலும் விளம்பரப்படுத்தி வருகிறார்கள்.

டெல்லியில் ராணுவ அதிகாரிகளுக்கு ‘அமரன்’ படத்தின் சிறப்பு திரையிடல் நடைபெற்றது. இதில் இயக்குநர் ராஜ்குமார் பெரியசாமி, சிவகார்த்திகேயன் மற்றும் சாய்பல்லவி கலந்துக் கொண்டார்கள். இந்த திரையிடல் முடிந்தவுடன் படக்குழுவினரை ராணுவ அதிகாரிகள் வெகுவாக பாராட்டியிருக்கிறார்கள்.