கோவையில் சில மணி நேர மழைக்கே குளம்போல் மாறிய சாலைகள்
: கோவையில் இன்றும் தொடர்ந்து மழை பெய்தது. சாலையோர தாழ்வான பகுதிகள், சுரங்கப்பாதைகளின் கீழ் மழைநீர் தேங்கியதால் பொதுமக்கள் சிரமத்துக்குள்ளாகினர்.
reachcoimbatore
0
3
கோவை: கோவையில் இன்றும் தொடர்ந்து மழை பெய்தது. சாலையோர தாழ்வான பகுதிகள், சுரங்கப்பாதைகளின் கீழ் மழைநீர் தேங்கியதால் பொதுமக்கள் சிரமத்துக்குள்ளாகினர்.
வங்கக் கடலில் ஏற்படும் காற்றழுத்த தாழ்வுப் பகுதி, மேல் அடுக்கு சுழற்சி உள்ளிட்ட காரணங்களால் கோவையில் கடந்த சில நாட்களாக தொடர்ந்து மழை பெய்கிறது. மழை நேற்றை தொடர்ந்து இன்று (அக்.14) மதியம் மற்றும் மாலை நேரங்களில் லேசாக மழை பெய்யத் தொடங்கி நின்று விட்டது. அதன் பின்னர், 5 மணிக்கு மேல் மீண்டும் மழை பெய்யத் தொடங்கியது. தொடக்கத்தில் சாரல் மழையாக தூறினாலும், அடுத்த சில நிமிடங்களில் கனமழையாக மாறியது.
