சூர்யாவின் ‘கங்குவா’ படத்துக்கு அதிக திரையரங்குகள் கிடைப்பதில் சிக்கல் - காரணம் என்ன? 

சென்னை: தமிழகத்தில் அதிக திரையரங்குகள் கிடைப்பதில் சூர்யா நடித்துள்ள ‘கங்குவா’ படத்துக்கு சிக்கல் ஏற்பட்டுள்ளது.

நவம்பர் 14-ம் தேதி சூர்யா நடித்துள்ள ‘கங்குவா’ திரைப்படம் வெளியாக இருக்கிறது. ஞானவேல்ராஜா தயாரித்துள்ள இப்படத்தினை அபினேஷ் இளங்கோவன் தமிழகத்தில் வெளியிடுகிறார். இப்போது தான் விநியோக உரிமைகள் விற்பனை தொடங்கி நடைபெற்று வருகின்றன. வட ஆற்காடு, தென் ஆற்காடு, மதுரை ஏரியா உரிமைகளை சீனு கைப்பற்றி இருக்கிறார். ஆனால், ‘கங்குவா’ படத்துக்கு அதிக திரையரங்குகள் கிடைப்பதில் சிக்கல் ஏற்பட்டுள்ளது.