நள்ளிரவில் பெய்த கனமழை: திருப்பூர் கே.வி.ஆர் நகரில் வீடுகளுக்குள் புகுந்த மழைநீர்

திருப்பூர் : திருப்பூரில் நள்ளிரவில் பெய்த கனமழையால், ஓடையில் ஏற்பட்ட வெள்ளப்பெருக்கின் காரணமாக 80-க்கும் மேற்பட்ட வீடுகளுக்குள் தண்ணீர் புகுந்தது. இதனால், பொதுமக்கள் மிகுந்த சிரமத்துக்கு ஆளாகினர்.

திருப்பூர் மாநகராட்சி 42-வது வார்டு பகுதி கேவிஆர் நகர், தந்தை பெரியார் நகரில் 200-க்கும் மேற்பட்ட வீடுகளில் பொதுமக்கள் வசித்து வருகிறார்கள். இந்நிலையில் இன்று (நவ.1) அதிகாலை 2 மணிக்கு சுமார் 2 மணி நேரம் பெய்த கனமழையால், அங்குள்ள ஜம்மனை ஓடையில் திடீர் வெள்ளப்பெருக்கு ஏற்பட்டு அங்குள்ள 80-க்கும் மேற்பட்ட வீடுகளில் திடீரென வெள்ள நீர் புகுந்தது. இதில் பொதுமக்கள் வீடுகளில் இருந்த பொருட்கள் தண்ணீரில் நாசம் அடைந்தன.