யாரிடமும் இல்லாத வசீகரம் அஜித்திடம் உள்ளது: ரெஜினா

யாரிடமும் இல்லாத வசீகரம் அஜித்திடம் இருப்பதாக ரெஜினா அளித்த பேட்டியொன்றில் தெரிவித்துள்ளார்.

‘விடாமுயற்சி’ குறித்து முதன்முறையாக பேசியிருக்கிறார் ரெஜினா. அவர் அளித்த பேட்டியொன்றில் “’விடாமுயற்சி’ திரைப்படம் மிகவும் நன்றாக வந்து இருக்கிறது. அதன் 90% படப்பிடிப்பை அஜர்பைஜானில் படமாக்கி இருக்கிறோம். அப்படத்தை மிகவும் ஆவலுடன் எதிர்நோக்கி இருக்கிறேன். ஏனென்றால் என் கதாபாத்திரம் மிகவும் முக்கியமானது. அவ்வளவு பெரிய படத்தில் முக்கியத்துவம் வாய்ந்த கதாபாத்திரம் வழங்கி தயாரிப்பாளர்கள் என் மீதான நம்பிக்கையைக் காட்டியிருக்கிறார்கள். ஆகையால் உற்சாகமாக இருக்கிறேன்.