வெள்ளியங்கிரி மலைக்குச் செல்வோருக்கான கட்டணத்தை ரத்து செய்க: தமிழக பாஜக

சென்னை: வெள்ளியங்கிரி மலைக்குச் செல்பவர்கள் கட்டணம் செலுத்த வேண்டும் என்ற அறிவிப்பை தமிழக அரசு ரத்து செய்ய வேண்டும் என பாஜக வலியுறுத்தி உள்ளது.

இதுகுறித்து பாஜக மாநில செயலாளர் அ.அஸ்வத்தாமன் இன்று (அக்.26) வெளியிட்டுள்ள அறிக்கையில், “துணை முதல்வர் உதயநிதி ஸ்டாலின் வெளியிட்டுள்ள ஓர் அறிவிப்பில் தென் கைலாயமான வெள்ளியங்கிரி மலைக்குச் செல்பவர்கள் ரூ.5,099 தமிழக அரசுக்கு கட்டணம் செலுத்த வேண்டும் என்று சொல்லப்பட்டு இருக்கிறது. ‘மலையேற்றத் திட்டம்’ என்ற பெயரில் இந்த அநியாயத்தை திராவிட மாடல் அரசு செய்துள்ளது.