பாண்டிராஜ் இயக்கத்தில் விஜய் சேதுபதி - படப்பிடிப்பு தொடக்கம்

பாண்டிராஜ் இயக்கத்தில் விஜய் சேதுபதி நடிக்கும் படத்தின் படப்பிடிப்பு தொடங்கப்பட்டுள்ளது. பாண்டிராஜ் இயக்கத்தில் விஜய் சேதுபதி நடிக்கும் படத்தின் பேச்சுவார்த்தை நீண்ட மாதங்களாக நடைபெற்று வந்தது. இறுதியாக சத்யஜோதி நிறுவனம் தயாரிக்க இப்படத்தின் பணிகள் தொடங்கப்பட்டன. திரையுலகில் புதிய படங்கள் தொடங்கப்படாது என்ற பேச்சு நிலவியதால், சில நாட்கள் மட்டும் படப்பிடிப்பு நடத்தியது படக்குழு.

தற்போது திருச்செந்தூரில் பூஜை போடப்பட்டு, படத்தின் படப்பிடிப்பை முழுவீச்சில் தொடங்கி இருக்கிறார்கள். இது தொடர்பாக இயக்குநர் பாண்டிராஜ் கூறும்போது, “நானும், விஜய் சேதுபதியும் இணையும் படத்தின் படப்பிடிப்பை இன்று திருச்செந்தூரில் தொடங்கியுள்ளோம். திருச்செந்தூர், தூத்துக்குடி மற்றும் மதுரை ஆகிய ஊர்களில் படப்பிடிப்பு நடைபெறும்.