8 மணி நேர வேலைக்கு எதிர்ப்பு: திருப்பூரில் மக்களைத் தேடி மருத்துவ ஊழியர்கள் ஆர்ப்பாட்டம்

திருப்பூர்: 2 மணி நேரம் வேலை என்று சொல்லி பணிக்கு அமர்த்திவிட்டு, நாள்தோறும் 8 மணி நேரத்துக்கு மேல் வேலை வாங்குவதை கண்டித்தும், பல்வேறு கோரிக்கைகளை வலியுறுத்தியும் மக்களைத் தேடி மருத்துவ ஊழியர்கள் திருப்பூரில் இன்று ஆர்ப்பாட்டத்தில் ஈடுபட்டனர்.

திருப்பூர் மாவட்ட ஆட்சியர் அலுவலகம் முன்பு மக்களைத் தேடி மருத்துவ ஊழியர்கள் சார்பில் பல்வேறு கோரிக்கைகளை வலியுறுத்தி இன்று (அக். 18) ஆர்ப்பாட்டம் நடந்தது. ஆர்ப்பாட்டத்துக்கு மருத்துவ ஊழியர்கள் சங்கத்தின் திருப்பூர் மாவட்ட தலைவர் மகாலட்சுமி தலைமை வகித்தார். மாநில செயலாளர் கிருஷ்ணமூர்த்தி, சிஐடியு மாவட்ட தலைவர் மூர்த்தி, துணைத் தலைவர் பாலன், துணை செயலாளர் அன்பு உள்ளிட்ட பலர் பங்கேற்றனர்.