அமரன் Vs பிரதர் Vs ப்ளடி பெக்கர் - தீபாவளி ரேஸில் முன்பதிவு எப்படி? 

சென்னை: தீபாவளி பண்டிகையை முன்னிட்டு வரும் அக்டோபர் 31-ம் தேதி சிவகார்த்திகேயன் நடித்துள்ள ‘அமரன்’, ஜெயம் ரவியின் ‘பிரதர்’, கவின் நடித்துள்ள ‘ப்ளடி பெக்கர்’, ஆகிய தமிழ் படங்கள் திரையரங்குகளில் வெளியாகின்றன. இதை தவிர்த்து, தெலுங்கில் உருவான துல்கர் சல்மானின் ‘லக்கி பாஸ்கர்’ திரைப்படமும் வெளியாகிறது.

அமரன்: கமல்ஹாசன் தயாரிப்பில் சிவகார்த்திகேயன் நடித்துள்ள திரைப்படம் ‘அமரன்’. இந்தப் படத்தை இயக்குநர் ராஜ்குமார் பெரியசாமி இயக்கியுள்ளார். மறைந்த ராணுவ வீரர் மேஜர் முகுந்த் வரதராஜனின் வாழ்க்கையில் நடைபெற்ற சம்பவங்களை அடிப்படையாக கொண்டு இந்தப் படம் உருவாகியுள்ளது. இந்தப் படத்தின் முன்பதிவு சிவகார்த்திகேயனின் திரை வாழ்க்கையில் இது ‘கரியர் பெஸ்ட்’ முன்பதிவாக இருக்கும் என கூறப்படுகிறது.