காணாமல்போகும் வரதராஜபுரம் ஏரி உபரி நீர் வாய்க்கால் - மீட்குமா நீர்வளத் துறை?

காஞ்சிபுரம் மாவட்டம் குன்றத்தூர் ஊராட்சி ஒன்றியத்தில் உள்ளது வரதராஜபுரம் ஊராட்சி. ஒவ்வொரு ஆண்டும் மழையின்போது இந்த ஊராட்சி பகுதிகள் வெள்ளத்தில் மூழ்கும். அடையாறு ஆற்றை ஒட்டி இந்த ஊராட்சி இருப்பதே இதற்கு காரணம்.

2022-ம் ஆண்டு நீர்நிலைகள் மற்றும் போக்கு கால்வாய்கள் உள்ள ஆக்கிரமிப்புகளை அகற்றுவதில் அரசின் மெத்தனம் குறித்து உயர் நீதிமன்றம் அதிருப்தி தெரிவித்ததை தொடர்ந்து தமிழகம் முழுவதும் உள்ள ஆக்கிரமிப்பை அகற்றும் பணிகளை வருவாய்த்துறை மற்றும் நீர்வளத் துறையினர் இணைந்து மேற்கொண்டனர். கடந்த 2015-ம் ஆண்டு வெள்ளத்தின்போது வரதராஜபுரம் பகுதியில் உள்ள பெரும்பாலான ஆக்கிரமிப்புகள் அகற்றப்பட்டன.