சிதம்பரம் நடராஜர் கோயில் கனகசபை விவகாரம்: தீட்சிதர்களுக்கு ஐகோர்ட் புதிய உத்தரவு

சென்னை: சிதம்பரம் நடராஜர் கோயில் கனகசபையில் நின்று பக்தர்கள் தரிசனம் செய்வதற்கான நேரம் மற்றும் வழிமுறைகள் குறித்த விவரங்களை தாக்கல் செய்ய, பொது தீட்சிதர்கள் தரப்புக்கு உயர் நீதிமன்றம் உத்தரவிட்டுள்ளது.

சிதம்பரம் நடராஜர் கோயிலில் கனகசபை மீது நின்று பக்தர்கள் தரிசனம் மேற்கொள்ள அனுமதியளித்து பிறப்பிக்கப்பட்ட அரசாணையை எதிர்த்து டி.எஸ்.சிவராம தீட்சிதர் உள்ளிட்டோர் சார்பி்ல் தொடரப்பட்ட வழக்குகள் நீதிபதிகள் ஆர்.சுரேஷ்குமார், எஸ்.சவுந்தர் ஆகியோர் அடங்கிய அமர்வில் மீண்டும் விசாரணைக்கு வந்தது. அப்போது மனுதார்கள் தரப்பில் ஆஜரான வழக்கறிஞர் ஹரிசங்கர், சிதம்பரம் கோயில் நிர்வாகத்தில் தலையிட அறநிலையத்துறைக்கு எந்த அதிகாரமும் இல்லை. கோயில் நிர்வாகத்தை தீட்சி்தர்கள் வசம் ஒப்படைக்க உச்ச நீதிமன்றம் உத்தரவிட்ட பிறகும் அரசு நெருக்கடி கொடுத்து வருகிறது, என்றார்.