சென்னை கோயம்பேடு சந்தையில் கிலோ ரூ.65 ஆக உயர்ந்த பெரிய வெங்காயத்தின் விலை - காரணம் என்ன?

சென்னை: கோயம்பேடு சந்தையில் பெரிய வெங்காயத்தின் விலை கிலோ ரூ.65 ஆக உயர்ந்துள்ளது. சில்லறை விற்பனை சந்தைகளில் கிலோ ரூ.100 ஆகவும், பண்ணை பசுமைக் கடைகளில் ரூ.72 ஆகவும் பெரிய வெங்காயம் விற்பனையாகி வருகிறது.

தேசிய அளவில் வெங்காய உற்பத்தியில் மகாராஷ்டிரா முதலிடத்தில் உள்ளது. நாட்டில் உற்பத்தியாகும் மொத்த வெங்காயத்தில் 30.41 சதவீதம் மகாராஷ்டிராவில் விளைகிறது. அடுத்தபடியாக கர்நாடகாவில் 15.51 சதவீதமும், மத்திய பிரதேசத்தில் 13.66 சதவீதமும் விளைகின்றன. தமிழகம் 1.65 சதவீத விளைச்சலுடன் 13-வது இடத்தில் உள்ளது. இதனால் தமிழகத்தின் வெங்காய தேவைக்கு மகாராஷ்டிராவையே நம்பியிருக்க வேண்டிய நிலை இருந்து வருகிறது.