தவெக மாநாடு: விஜய் உரையைக் கேட்க நடிகர் விஷால் ஆவல்!

சென்னை: “தமிழக வெற்றிக் கழகத்தின் மாநாட்டில் விஜய் என்ன பேசப் போகிறார் என்பதை கேட்க ஆவலுடன் காத்திருக்கிறேன்” என விஷால் தெரிவித்துள்ளார்.

விஜய்யின் தமிழக வெற்றிக் கழகத்தின் முதல் மாநில மாநாடு நாளை (அக்.27) நடைபெறவுள்ளது. இதற்கான பிரமாண்ட ஏற்பாடுகள் நடைபெற்று வருகின்றன. முதன் முறையாக தனது அரசியல் பேச்சைத் தொடங்கவிருப்பதால் விஜய்க்கு பலரும் வாழ்த்து தெரிவிக்கத் தொடங்கியிருக்கிறார். மயிலாப்பூரில் உள்ள கோயிலில் சாமி தரிசனம் செய்தார் விஷால். அதனைத் தொடர்ந்து பத்திரிகையாளர்களிடம் பேசினார். அப்போது விஜய்யின் அரசியல் பிரவேசம் தொடர்பான கேள்விக்கு பதிலளித்த நடிகர் விஷால், “விஜய்க்கு வாழ்த்துகள். அவர் அரசியலில் முதல் அடி எடுத்து வைக்கிறார். மிகவும் ஆடம்பரமாக ஏற்பாடுகள் நடப்பது தெரிகிறது.