மோகன்லால் நடிகராக அறிமுகமான அதே நாளில் அவர் இயக்கும் படம் ரிலீஸ்

திருவனந்தபுரம்: மோகன்லால் இயக்கியுள்ள ‘பரோஸ்’ மலையாள ஃபேன்டஸி திரைப்படம் வரும் டிசம்பர் 25-ம் தேதி திரையரங்குகளில் வெளியாகும் என அறிவிக்கப்பட்டுள்ளது. இந்த நாளில் தான் மோகன்லால் நடித்த முதல் படம் வெளியானது குறிப்பிடத்தக்கது.

கடந்த 1980-ம் ஆண்டு டிசம்பர் 25-ம் தேதி ஃபாசில் இயக்கத்தில் மோகன்லால் நடிப்பில் வெளியான மலையாள திரைப்படம் ‘மஞ்சிள் விரிஞ்ச பூக்கள்’ (Manjil Virinja Pookkal). மோகன்லால் நடிகராக அறிமுகமான இந்தப் படம் வெளியாகி 44 ஆண்டுகள் கழித்து, டிசம்பர் 25-ம் தேதியான அதே நாளில் அவர் இயக்குநராக அறிமுகமாகும் ‘பரோஸ்’ திரைப்படம் திரையரங்குகளில் வெளியாகிறது. இந்தப் படத்தின் ரிலீஸ் தேதியை இயக்குநர் ஃபாசிலைக் கொண்டு அறிவிக்க வைத்துள்ளார் மோகன்லால்.