புறநானூறு படத்தில் சிவகார்த்திகேயன்: உறுதி செய்த ஜி.வி.பிரகாஷ்

சிவகார்த்திகேயன் நடித்துள்ள ‘அமரன்’ படம் வெற்றிகரமாக ஓடிக்கொண்டிருக்கிறது. ஏ.ஆர்.முருகதாஸ் இயக்கத்தில் அவர் நடிக்கும் படத்தின் படப்பிடிப்பு பெரும்பாலும் முடிவடைந்துவிட்டது. அடுத்து சிபி சக்கரவர்த்தி இயக்கும் படத்தில் நடிக்கிறார்.

இதையடுத்து சூர்யா நடிக்க மறுத்த ‘புறநானூறு’ படத்தில் சிவகார்த்திகேயன் நடிக்க இருப்பதாகச் செய்திகள் வெளியாயின. சுதா கொங்கரா இயக்கும் இந்தப் படம் பற்றி அதிகாரப்பூர்வ தகவல் ஏதும் இல்லை. இந்நிலையில் அந்தப் படத்தில் சிவகார்த்திகேயன் நடிப்பதை இசையமைப்பாளர் ஜி.வி. பிரகாஷ் உறுதிப்படுத்தியுள்ளார்.