“புதுச்சேரி அரசும், துணைநிலை ஆளுநரும் இணக்கமாக உள்ளோம்” - அமைச்சர் நமச்சிவாயம் கருத்து 

புதுச்சேரி: புதுச்சேரி அரசு, பல்கலைக்கழகம், கல்வி மேம்பாட்டு கேந்திரம் ஆகியவை இணைந்து நவீனக் கல்வி, பண்பாடு, இந்திய அறிவு முறையின் மறுமலர்ச்சி, கல்வியில் தாய்மொழி வழி கல்வியை செயல்படுத்துதல் மற்றும் ஒருங்கிணைப்பைக் கொண்டாடும் நோக்கில் தேசிய ஞானக் கும்பம் நிகழ்சியை கடந்த 21-ம் தேதி முதல் 3 நாட்கள் நடத்தியது.

3-வது நாளான சனிக்கிழமை நிறைவு விழா நடைபெற்றது. புதுச்சேரி உள்துறை மற்றும் கல்வி அமைச்சர் நமச்சிவாயம் கலந்து கொண்டார். பின்னர் அவர் செய்தியாளர்களிடம் கூறியதாவது: “தேசிய கல்வி கொள்கை தொடர்பாக துணைவேந்தர்கள், பேராசிரியர்கள் கருத்துக்களையும், ஆலோசனைகளையும் வழங்கியுள்ளனர்.