மருதநாயகம், மர்மயோகி மற்றும் பல... கமல்ஹாசனின் நிகழாத அற்புதங்கள் | பிறந்தநாள் ஸ்பெஷல்

2023-ம் ஆண்டு ஜூலை 4-ம் தேதி உலக நாயகன் கமல்ஹாசனின் ‘KH 233’ என தற்காலிக பெயரிடப்பட்ட புதிய படத்தின் அறிவிப்பை ராஜ்கமல் பிலிம்ஸ் இண்டர்நேஷ்னல் அதிகாரபூர்வமாக வெளியிட்டது. அந்தப் படத்தை எச்.வினோத் இயக்குவதாகவும் அறிவிக்கப்பட்டது. சினிமா ரசிகர்கள் மத்தியில் இந்த அறிவிப்பு மிகப்பெரிய வரவேற்பைப் பெற்றது.

படத்தின் முன்தயாரிப்பு பணிகள் தொடங்கிவிட்டதாகவும், அப்படத்துக்காக கமல்ஹாசன் துப்பாக்கி சுடுதல் பயிற்சிக்கு சென்றதாகவும், வெளியான செய்திகள் கமல் ரசிகர்களுக்கு மட்டுமின்றி அனைவரது புருவங்களையும் உயர்த்திப் பார்க்க செய்திருந்தது. ஆனால், 2024-ம் ஆண்டு ஜனவரியில் இந்தப் படம் கைவிடப்படுவதாக அறிவிக்கப்பட்டது, அனைவரையும் அதிர்ச்சியடைய செய்தது.