அல்லு அர்ஜுன் கைது எதிரொலி - ‘புஷ்பா 2’ வசூல் அதிகரிப்பு

அல்லு அர்ஜுன் கைதை தொடர்ந்து, ‘புஷ்பா 2’ படத்தின் வசூல் அதிகரித்திருக்கிறது.

‘புஷ்பா 2’ வெளியீட்டின்போது நடந்த சிறப்பு காட்சியில் கூட்ட நெரிசலில் பெண் ஒருவர் உயிரிழந்தார். இந்த விவகாரத்தில் நடிகர் அல்லு அர்ஜுன் கைது செய்யப்பட்டார். இது திரையுலகினர் மத்தியில் பெரும் அதிர்ச்சியை ஏற்படுத்தியது. பல்வேறு திரையுலக பிரபலங்கள் கடும் அதிருப்தியை வெளிப்படுத்தினார்கள். அன்று மாலையே ஜாமீன் கிடைத்தாலும், அடுத்த நாள் காலையில்தான் அல்லு அர்ஜுன் விடுதலை செய்யப்பட்டார். ஒருநாள் முழுக்கவே அல்லு அர்ஜுன் பற்றிய பேச்சாகவே இருந்தது.