‘உ.பி.யை அரசியல் பரிசோதனை கூடமாக இயக்குகிறது பாஜக’ - கி.வீரமணி

கும்பகோணம்: உத்தரப் பிரதேச மாநிலத்தை பாஜகவினர் அரசியல் பரிசோதனை கூடமாக இயக்கி வருகிறார்கள் என்று திராவிட கழகத் தலைவர் கி.வீரமணி தெரிவித்துள்ளார்.

கும்பகோணத்தில் பல்வேறு நிகழ்ச்சிகளில் பங்கேற்க வந்த திராவிட கழகத் தலைவர் கி.வீரமணி செய்தியாளர்களிடம் கூறியது: கேரளா மாநிலம் வைக்கத்தில், தமிழக - கேரளா முதல்வர்கள் பெரியாருக்கு வரலாற்றில் காணமுடியாத அற்புதமான நூலகம், காட்சியகம், கண்காட்சி உள்ளிட்டவைகளை அமைத்துள்ளனர். அதன் வெற்றி என்பது ஒரு பகுதி தான். மற்றொரு வெற்றி காவியையும், தீண்டாமையையும் வேரோடும், வேரடி மண்ணோடும் அழிப்பது தான்.