சசிகுமாரின் ‘நந்தன்’ படக்குழுவினரை பாராட்டிய ரஜினி!

சென்னை: ‘நந்தன்’ படத்தைப் பார்த்துவிட்டு படக்குழுவினரை நடிகர் ரஜினிகாந்த் பாராட்டியுள்ளார். தொடர்ந்து ரஜினிக்கு சசிகுமார் நன்றி தெரிவித்துள்ளார்.

இரா.சரவணன் இயக்கத்தில் சசிகுமார், பாலாஜி சக்திவேல் உள்ளிட்ட பலர் நடிப்பில் வெளியான படம் ‘நந்தன்’. இப்படம் வசூல் ரீதியாக எதிர்பார்த்த வரவேற்பு பெறவில்லை. ஆனால், விமர்சன ரீதியாக எதிர்பார்த்த வரவேற்பு கிடைத்தது. சில தினங்களுக்கு முன்பு ஓடிடி தளத்தில் வெளியானது. ஓடிடியில் வெளியான பின்பு, ‘நந்தன்’ படத்தை பல்வேறு அரசியல் கட்சித் தலைவர்கள் பார்த்துவிட்டு படக்குழுவினரை பாராட்டினார்கள். பாஜகவைச் சேர்ந்த அண்ணாமலை, அன்புமணி ராமதாஸ் உள்ளிட்ட பலரும் இதில் அடங்கும்.இந்நிலையில் தற்போது ‘நந்தன்’ படத்தைப் பார்த்துவிட்டு ரஜினியும் படக்குழுவினரைப் பாராட்டி இருக்கிறார்.