தமிழக சுற்றுலா மேம்பாட்டுக்கு ரூ.4,574 கோடி வழங்க வேண்டும்: மத்திய அரசிடம் அமைச்சர் கோரிக்கை
தமிழக சுற்றுலாத்துறை அமைச்சர் ஆர்.ராஜேந்திரன் நேற்று டெல்லியில் மத்திய சுற்றுலா, கலாச்சாரத்துறை அமைச்சர் கஜேந்திரசிங் செகாவத்தை சந்தித்துப் பேசினார்.
reachcoimbatore
சென்னை: தமிழக சுற்றுலாத்துறை அமைச்சர் ஆர்.ராஜேந்திரன் நேற்று டெல்லியில் மத்திய சுற்றுலா, கலாச்சாரத்துறை அமைச்சர் கஜேந்திரசிங் செகாவத்தை சந்தித்துப் பேசினார்.
தமிழக அரசின் சிறப்பு பிரதிநிதி ஏகேஎஸ் விஜயன், திமுக எம்.பி. திருச்சி சிவா மற்றும் தமிழக அரசின் சுற்றுலாத்துறை செயலர் பி.சந்திரமோகன், சுற்றுலாத்துறை இயக்குநர் ஷில்பா பிரபாகர் சதீஷ் ஆகியோர் உடனிருந்தனர். அப்போது அமைச்சர் ராஜேந்திரன், தமிழகத்தின் பல்வேறு சுற்றுலா மேம்பாட்டுப் பணிகளுக்கு ரூ.4573.53 கோடி வழங்க வேண்டும் என்று மத்திய அமைச்சரிடம் வலியுறுத்தினார். இதுதொடர்பாக மத்திய அமைச்சரிடம் அவர் அளித்த மனுவின் விவரம்: ஸ்வதேஷ் தர்ஷன் 2.0 திட்டத்தின்கீழ், சுற்றுலா பயணிகளை கவரும் வகையில் மாமல்லபுரம் கடற்கரை கோயில் சுற்றுலா பயணிகளுக்கான வசதிகளை மேம்படுத்தும் திட்டத்துக்கு ரூ.30 கோடியும், நீலகிரி பைக்காரா இயற்கை சுற்றுலா தல மேம்பாட்டு திட்டத்துக்கு ரூ.28.3 கோடியும் ஒதுக்கீடு செய்ய வேண்டும்.
