‘அமரன்’ முதல் நாளில் ரூ.42 கோடி வசூல் - சிவகார்த்திகேயனின் ‘சாதனை’ ஓபனிங்!

சென்னை: சிவகார்த்திகேயன் நடித்துள்ள ‘அமரன்’ திரைப்படம் வெளியான முதல் நாள் ரூ.42.3 கோடியை வசூலித்துள்ளதாக அறிவிக்கப்பட்டுள்ளது.

கமல்ஹாசனின் ராஜ்கமல் ஃபிலிம் இன்டர்நேஷனல் தயாரிப்பில் சிவகார்த்திகேயன் நடித்துள்ள திரைப்படம் ’அமரன்’. மறைந்த ராணுவ மேஜர் முகுந்த் வரதராஜனின் வாழ்க்கையில் நடைபெற்ற சம்பவங்களை அடிப்படையாக கொண்டு இந்தப் படம் உருவாகியுள்ளது. சிவகார்த்திகேயனுக்கு ஜோடியாக சாய் பல்லவி நடித்துள்ளார். ஜி.வி.பிரகாஷ் படத்துக்கு இசையமைத்துள்ளார். ராஜ்குமார் பெரியசாமி இயக்கியுள்ள இந்தப் படம் தீபாவளியை முன்னிட்டு நேற்று (அக்.31) திரையரங்குகளில் வெளியானது.