சீமானால் ‘சிக்கிய’ நெல்லை தாசில்தார் காத்திருப்போர் பட்டியலுக்கு மாற்றம்

திருநெல்வேலி: தமிழக அரசு அதிகாரியாக இருந்து கொண்டு நாம் தமிழர் கட்சியில் பொறுப்பாளராக செயல்பட்ட திருநெல்வேலி மாவட்ட தாசில்தார் செல்வக்குமார் காத்திருப்போர் பட்டியலுக்கு மாற்றப்பட்டுள்ளார்.

திருநெல்வேலி மாவட்டம் திசையன்விளை தாசில்தாராகவும், நாங்குநேரி நதிநீர் இணைப்பு தாசில்தாராகவும் இருந்தவர் செல்வக்குமார். தற்போது திருநெல்வேலி நெடுஞ்சாலைத் துறை தாசில்தாராக பணியாற்றி வருகிறார். இவர் செல்வன் குமரன் என்ற மாற்றுப்பெயரில் நாம் தமிழர் கட்சியில் மண்டல செயலராக செயல்பட்டு வந்ததாக தெரிகிறது. கடந்த ஜனவரி மாதம் திருநெல்வேலி மாவட்ட அளவில் நாம் தமிழர் கட்சியின் கலந்தாய்வு கூட்டத்தில் அக்கட்சியின் தலைமை ஒருங்கிணைப்பாளர் சீமான் பங்கேற்றிருந்தார். இந்த கூட்டத்தில் செல்வகுமாரும் பங்கேற்றுள்ளார்.