திருச்சி அருகே பணியில் ஈடுபட்ட மின்வாரிய ஊழியர்கள் 2 பேர் மின்சாரம் பாய்ந்து உயிரிழப்பு

திருச்சி: திருச்சி கே.கே.நகர் அடுத்த ஓலையூர் ரிங் ரோடு பகுதியில் பெட்ரோல் பங்க் உள்ளது. இந்த பெட்ரோல் பங்க் அருகில் உள்ள மின்மாற்றியை (டிரான்ஸ்பாரம்) மாற்றி அமைக்கக் கோரி பெட்ரோல் பங்க் உரிமையாளர் கே.கே.நகர் மின்வாரிய அலுவலகத்தில் விண்ணப்பித்திருந்தார்.

இந்நிலையில், மின்மாற்றியை மாற்றியமைக்கும் பணி இன்று நடைபெற்றது. அப்போது, அருகிலிருக்கும் 11 கேவி உயர் மின் அழுத்தக் கம்பத்திலிருந்து மின் மாற்றிக்கு வரும் மின் கம்பியை துண்டிப்பதற்காக மின்வாரிய ஒப்பந்தப் பணியாளர்கள் ஈடுபட்டனர். அப்போது, மருங்காபுரி, கல்லுப்பட்டியைச் சேர்ந்த கலாமணி (42) என்பவர் மின் கம்பத்தில் ஏறினார். மின் கம்பத்தின் கீழ் பகுதியில் மணப்பாறை அருகே வேங்கைக்குறிச்சி அருணாம்பட்டியைச் சேர்ந்த மாணிக்கம் (33) என்பவர் நின்று கொண்டிருந்தார். இருவரும் மின்வாரிய ஒப்பந்தப் பணியாளர்கள்.