தீபாவளி சிறப்பு ரயில்களில் முக்கிய நாட்களில் டிக்கெட் முன்பதிவு முடிந்தது

சென்னை: தீபாவளியை முன்னிட்டு, சென்னையில் இருந்து கன்னியாகுமரி, கோயம்புத்தூர், செங்கோட்டைக்கு சிறப்பு ரயில்கள் அறிவிக்கப்பட்டன. இதுதவிர, தாம்பரம் - கன்னியாகுமரிக்கு சிறப்பு ரயில் அறிவிக்கப்பட்டது. இந்த ரயில்களில் முக்கிய நாட்களில் டிக்கெட் முன்பதிவு தொடங்கிய சில நிமிடங்களில் முடிந்து, காத்திருப்போர் பட்டியல் வந்தது.

சென்னை சென்ட்ரலில் இருந்து கன்னியாகுமரிக்கு அக்.29-ம் தேதி புறப்படும் சிறப்பு ரயிலில் (06001) டிக்கெட் முன்பதிவு சில நிமிடங்களில் முடிந்தது. இதற்கடுத்து காத்திருப்போர் பட்டியலும் முடிந்து, ‘ரெக்ரெட்’ என்று காட்டியது. அதேநேரத்தில், நவ.5-ம் தேதிக்கு டிக்கெட்கள் உள்ளன. மறுமார்க்கமாக, கன்னியாகுமரி - சென்னை எழும்பூருக்கு அக்.30, நவ.6 ஆகிய தேதிகளில்புறப்படும் சிறப்பு ரயிலில் (06002) முன்பதிவு இடங்கள் தாராளமாக உள்ளன.