‘முஃபசா: தி லயன் கிங்’ படத்துக்கு குரல் கொடுத்த அர்ஜுன் தாஸ், அசோக் செல்வன்! 

சென்னை: ‘முஃபாசா: தி லயன் கிங்’ ஹாலிவுட் படத்தின் தமிழ் பதிப்புக்கு நடிகர்கள் அர்ஜுன் தாஸ், அசோக் செல்வன் உள்ளிட்டோர் குரல் கொடுத்துள்ளனர்.

கடந்த 1994-ல் ‘தி லயன் கிங்’ அனிமேஷன் திரைப்படம் வெளியானது. 2 ஆஸ்கர் விருதை இந்தப் படம் வென்றது. கடந்த 2019-ல் லைவ் ஆக்‌ஷன் திரைப்படமாக ‘தி லயன் கிங்’கின் ப்ரீக்வல் வெளியானது. இந்தப் படம் உலக அளவில் வரவேற்பை பெற்றது. வசூல் ரீதியாகவும் பாக்ஸ் ஆஃபிஸில் ஹிட் அடித்தது. அந்த வரிசையில் அடுத்ததாக ‘முஃபாசா: தி லயன் கிங்’ படம் வெளியாக உள்ளது. இந்தப் படம் முஃபாசா கதாபாத்திரம் குறித்து விரிவாக பேசுகிறது. இதனை பேரி ஜென்கின்ஸ் இயக்கியுள்ளார். வரும் டிசம்பர் 20-ம் தேதி இந்தப் படம் வெளியாகிறது.