லோகேஷ் கனகராஜ் இயக்கத்தில் நடிக்கும் அமீர்கான்!

லோகேஷ் கனகராஜ் இயக்கத்தில் அமீர்கான் நடிப்பது உறுதியாகி இருக்கிறது. ரஜினி, நாகார்ஜுனா, உபேந்திரா, ஸ்ருதிஹாசன் உள்ளிட்ட பலர் நடித்து வரும் படம் ‘கூலி’. சன் பிக்சர்ஸ் தயாரித்து வரும் இந்தப் படத்துக்கு அனிருத் இசையமைத்து வருகிறார்.

ஹைதராபாத் படப்பிடிப்பு முடிவடைந்து தற்போது சென்னையில் படப்பிடிப்பு தொடங்கியிருக்கிறார்கள். ‘கூலி’ படத்தில் ரஜினியுடன் கவுரவ கதாபாத்திரத்தில் நடிப்பதற்கு அமீர்கானிடம் பேச்சுவார்த்தை நடத்தினார்கள். முழுக்கதையினையும் கேட்டுவிட்டு நடிக்க சம்மதம் தருவதாகக் கூறியிருந்தார் அமீர்கான். இது தொடர்பாக லோகேஷ் கனகராஜ் - அமீர்கான் சந்திப்பு கடந்த வாரம் நடைபெற்றது. இதில் ‘கூலி’யில் அமீர்கான் நடிப்பது உறுதியாகிவிட்டது.