‘கங்குவா’ ஓர் அதிசயம் - நெகட்டிவ் விமர்சனங்களுக்கு ஜோதிகா பதிலடி!

‘கங்குவா’ படக்குழுவினரைப் பாராட்டியும், எதிர்மறை விமர்சனங்கள் கூறுவோரை கடுமையாக விமர்சித்தும் பதிவொன்றை வெளியிட்டுள்ளார் நடிகையும், சூர்யாவின் மனைவியுமான ஜோதிகா.

‘கங்குவா’ படத்தை பலரும் கடுமையாக சாடி வருகிறார்கள். பட வெளியீட்டுக்கு முன்பு படக்குழுவினர் பேசிய பேச்சுகளும் இந்த எதிர்மறைக்கு ஒரு காரணம். இந்த நிலையில், ‘கங்குவா’ படம் தொடர்பாக ஜோதிகா தனது இன்ஸ்டாகிராம் பதிவில், “இந்தக் குறிப்பை நான் ஜோதிகாவாகவும், சினிமா ரசிகையாகவும் எழுதுகிறேன், நடிகர் சூர்யாவின் மனைவியாக அல்ல. ‘கங்குவா’ படம் திரையுலகில் ஓர் அதிசயம். சூர்யா, உங்களை நினைத்து பெருமையாக இருக்கிறது. ஒரு நடிகராக சினிமாவை முன்னோக்கிக் கொண்டு செல்ல நீங்கள் காணும் கனவுகளும், முயற்சிகளும் என்னை பெருமிதம் கொள்ளச் செய்கின்றன.