4 மாவட்டங்களில் வெள்ளப்பெருக்கு: சாத்தனூர் அணை ஆய்வு புள்ளி விவரங்கள் கூறுவது என்ன?

சென்னை: ​​​​திரு​வண்ணாமலை மாவட்டம் சாத்​தனூரில் தென்​பெண்ணை ஆற்றின் குறுக்கே 1958-ல் கட்டப்​பட்ட சாத்​தனூர் அணை, 119 அடி உயரம் கொண்​டது. தமிழகத்​தின் முக்​கியமான அணைகளில் ஒன்றான இந்த அணை திரு​வண்ணா​மலை, கள்ளக்​குறிச்சி, விழுப்பு​ரம், கடலூர் மாவட்​டங்​களில் விவசா​யத்​துக்கான முக்கிய நீரா​தா​ர​மாகத் திகழ்​கிறது.

கடந்த நவ. 30-ம் தேதி ஃபெஞ்சல் புயல்காரணமாக தென்​பெண்ணை ஆற்றின் நீர்ப்​பிடிப்பு பகுதி​களில் கனமழை கொட்டியது. இதனால் சாத்​தனூர் அணைக்கு நீர்​வரத்து அதிகரிக்கத் தொடங்​கியது. டிச. 1-ம் தேதி காலை விநாடிக்கு 5,000 கன அடியாக இருந்த நீர்​வரத்து நள்ளிரவு ஒரு லட்சம் கன அடியாக அதிகரித்​தது. மறுநாள் அதிகாலை 2.45 மணிக்கு 1.68 லட்சம் கனஅடியாக நீர்​வரத்து உயர்ந்​தது. இதனால், அணையின் நீர்​மட்டம் முழு கொள்​ளளவான 119 அடியை நெருங்கியது.