தென்பெண்ணை ஆறு வெள்ளம்: திருவெண்ணைநல்லூர், பண்ருட்டியில் கடும் பாதிப்பு

கள்ளக்குறிச்சி: சாத்தனூர் அணை திறப்பால் தென்பெண்ணையாற்றில் ஏற்பட்ட வெள்ளப் பெருக்கில் விழுப்புரம், கள்ளக்குறிச்சி மாவட்ட எல்லைப் பகுதியான திருவெண்ணைநல்லூர் ஊராட்சி ஒன்றியம் மற்றும் பண்ருட்டி ஒன்றியத்துக்குட்பட்ட கிராமங்களும் கடும் பாதிப்பை சந்தித்துள்ளது.

சாத்தனூர் அணை திறப்பால் திங்கள்கிழமை தென்பெண்ணையாற்றில் வெள்ளப்பெருக்கு ஏற்பட்டது. இதனால் தென்பெண்ணையாற்று, கடலூர், விழுப்புரம், கள்ளக்குறிச்சி மாவட்ட கரையோர கிராமங்களில் வெள்ளநீர் புகுந்து பாதிப்பை ஏற்படுத்தியது. இதில் தென்பெண்ணையாற்றில் திருக்கோவிலூர் அணைக்கட்டுப் பகுதியில் இருந்து மலட்டாறு பிரிகிறது. இந்த மலட்டாற்றில் ஏற்பட்ட வெள்ளப்பெருக்கால் அரசூரில் திருச்சி - சென்னை தேசிய நெடுஞ்சாலை பாதிக்கப்பட்டது.