8 இடங்களில் மகளிருக்கு பிரத்யேக உடற்பயிற்சி கூடம் அமைக்கிறது சென்னை மாநகராட்சி

சென்னை: சென்னை மாநகரப் பகுதிகளில் 8 இடங்களில் மகளிருக்கு பிரத்யேக உடற்பயிற்சி கூடம் அமையவிருப்பதாக தகவல் வெளியாகியுள்ளது.

சென்னை மாநகரப் பகுதிகளில் 8 இடங்களில் மகளிருக்கான பிரத்யேக உடற்பயிற்சி கூடங்களை மாநகராட்சி நிர்வாகம் அமைத்து வருகிறது. தமிழக மக்கள் தொகையில் 48 சதவீதத்துக்கும் மேற்பட்டோர் நகர்ப்புறங்களில் வசிக்கின்றனர். அந்த அளவுக்கு நகரப்புறங்கள் வளர்ச்சி அடைந்து வருகின்றன. அதே நேரத்தில் பணி சுமை மற்றும் பணி சூழல் காரணமாக பெரும்பாலானோரால் காலையில் நேரம் ஒதுக்கி உடற்பயிற்சி மேற்கொள்ள முடியாத நிலை உள்ளது.