அமித் ஷாவை அமைச்சரவையில் இருந்து வெளியேற்றக் கோரி இந்திய கம்யூனிஸ்ட் ஆர்ப்பாட்டம்: முத்தரசன்

சென்னை:அம்பேத்கரை அவமதித்த அமித் ஷாவை வெளியேற்ற வேண்டும் என வலியுறுத்தி, தமிழகம் முழுவதும் நாளை கண்டன ஆர்ப்பாட்டம் நடைபெற இருப்பதாக இந்திய கம்யூனிஸ்ட் கட்சியின் மாநிலச் செயலாளர் இரா.முத்தரசன் தெரிவித்துள்ளார்.

இது குறித்து அவர் வெளியிட்டிருக்கும் அறிக்கையில், “நாட்டின் விடுதலை போராட்டத்திலும் சமூக விடுதலைப் போராட்டத்திலும் தீவிரமாக ஈடுபட்ட சட்ட மேதை அம்பேத்கர் பெயரை உச்சரிப்பதால் எந்த பயனும் கிடைக்காது என்று ஒன்றிய அரசின் உள்துறை அமைச்சர் அமித் ஷா நாடாளுமன்ற மாநிலங்களவையில் வன்மத்தை வெளிப்படுத்தியுள்ளார். அண்ணலை இழிவு படுத்தி ஆணவத்துடன் பேசிய அமித் ஷாவின் திமிரான செயலுக்கு நாடு கிளர்ந்தெழுந்து கண்டனம் தெரிவித்து வருகிறது.