சென்னை - பாடியில் அருகருகே அமைந்துள்ள 4 டாஸ்மாக் கடைகளால் மக்கள் அவதி!

சென்னை அம்பத்​தூர் அருகே பாடி பகுதி​யில் உள்ளது முகப்​பேர் சாலை. இச்சாலை, திரு​மங்​கலம் - அம்பத்​தூர் தொழிற்​பேட்டை சாலை​யை​யும், மண்ணூர்​பேட்டை - சி.டி.எச். சாலை​யை​யும் இணைக்கக் கூடிய​தாகும். சுமார் ஒன்றரை கி.மீ. தூரம் உள்ள இச்சாலை, பெருநகர சென்னை மாநக​ராட்சி நிர்​வாகத்​தின் கீழ் உள்ளது.

இந்த முகப்​பேர் சாலை​யில் நூற்றுக்​கும் மேற்​பட்ட வீடு​களும், திருமண மண்டபம், கட்டுமான பொருட்கள் விற்பனை கடைகள் உட்பட பலவகையான நூற்றுக்​கணக்கான கடைகள் அமைந்​துள்ளன. இச்சாலையை ஒட்டி​யுள்ள பாடி - சத்தியா நகர், குபேரர் தெரு, அண்ணா நகர் மேற்கு விரிவாக்கம் - கோல்டன் குடி​யிருப்பு உள்ளிட்ட குடி​யிருப்பு பகுதி​களில் ஐந்தா​யிரத்​துக்​கும் மேற்​பட்​டோர் வசித்து வருகின்​றனர்.