தமிழ்ப் பேராய விருதுகள்
எஸ்.ஆர்.எம். கல்விக் குழுமத்தின் சார்பில் வழங்கப்படும் 2023 ஆம் ஆண்டுக்கான தமிழ்ப் பேராய விருதுகள் அறிவிக்கப்பட்டுள்ளன. ‘புதுமைப்பித்தன் படைப்பிலக்கிய விருது’ எழுத்தாளர் சு.தமிழ்ச்செல்விக்கு ‘சிலாவம்' நாவலுக்காக அளிக்கப்பட்டுள்ளது.
reachcoimbatore
எஸ்.ஆர்.எம். கல்விக் குழுமத்தின் சார்பில் வழங்கப்படும் 2023 ஆம் ஆண்டுக்கான தமிழ்ப் பேராய விருதுகள் அறிவிக்கப்பட்டுள்ளன. ‘புதுமைப்பித்தன் படைப்பிலக்கிய விருது’ எழுத்தாளர் சு.தமிழ்ச்செல்விக்கு ‘சிலாவம்' நாவலுக்காக அளிக்கப்பட்டுள்ளது. ‘பாரதியார் கவிதை விருது’ கவிஞர் ரவிசுப்ரமணியனுக்கு ‘நினைவின் ஆழியில் அலையும் கயல்கள்’ என்ற நூலுக்காகவும், ‘அழ.வள்ளியப்பா குழந்தை இலக்கிய விருது’ சிறார் எழுத்தாளர்கள் அருண்.மோ, சி.சரிதா ஜோ ஆகிய இருவருக்கும் முறையே ‘பெரியார் தாத்தா’, ‘கடலுக்கு அடியில் மர்மம்’ நூல்களுக்காகப் பகிர்ந்தளிக்கப்பட்டுள்ளது.
‘ஜி.யூ.போப் மொழிபெயர்ப்பு விருது’ எம்.பூபதிக்கும், ‘ஆ.ப.ஜெ.அப்துல் கலாம் அறிவியல் தமிழ், தொழில்நுட்ப விருது’ டாக்டர் க.மகுடமுடிக்கும், ‘பரிதிமாற்கலைஞர் தமிழ் ஆய்வறிஞர் விருது’ க.தமிழ்மல்லனுக்கும், ‘முத்தமிழ் அறிஞர் கலைஞர் சமூகநீதி விருது’ முனைவர் சிவ.இளங்கோவுக்கும் அறிவிக்கப்பட்டுள்ளது.
