தாம்பரம் மாநகராட்சியாக உயர்ந்து என்ன பயன்? - குண்டும் குழியுமான சாலைகளால் மக்கள் வேதனை

தாம்பரம் மாநகராட்சியில் மொத்தம் உள்ள 70 வார்டுகளில், 60 சதவீதத்துக்கு மேல் சாலைகள் சேதமடைந்து குண்டும் குழியுமாக காட்சி அளிக்கிறது. சாலைகளின் இந்த நிலையே பெரும்பாலான விபத்துகளுக்கு காரணமாக உள்ளதாக மாநகரவாசிகள் வேதனை தெரிவிக்கின்றனர்.

இதுகுறித்து குரோம்பேட்டையில் வசிக்கும் சமூக ஆர்வலர் வீ.சந்தானம் கூறியது: தாம்பரம் மாநகராட்சியாக மாற்றப்பட்டு ஏறக்குறைய 3 ஆண்டுகளுக்கு மேல் ஆகிறது. இருந்தும் வேலைகள் எதுவும் மக்கள் எதிர்பார்த்தபடி நடக்கவில்லை என்பதே நிதர்சனமான உண்மை. பருவமழைக்கு முன்பாகவே முன்னெச்சரிக்கை நடவடிக்கைகளை எடுக்க முதல்வர் அறிவுறுத்தியுள்ளார்.