நிலச்சரிவு போன்ற இயற்கை பேரிடர்களை கணிப்பதில் கூடுதல் கவனம் தேவை: இஸ்ரோ தலைவர் சோம்நாத்

சென்னை: நிலச்சரிவு, வெள்ளம் போன்ற இயற்கை பேரிடர்களை கணிப்பதில் நாம் இன்னும் கூடுதல் கவனம் செலுத்த வேண்டும் என்று இஸ்ரோ தலைவர் சோம்நாத் கூறினார்.

எம்.எஸ்.சுவாமிநாதன் ஆராய்ச்சி அறக்கட்டளை சார்பில், எம்.எஸ்.சுவாமிநாதனின் 99-வது பிறந்தநாளை முன்னிட்டு 'பசியில்லாத உலகம்' என்ற தலைப்பிலான பன்னாட்டு கருத்தரங்கம் சென்னை தரமணியில் உள்ள அதன் வளாகத்தில் கடந்த 2 நாட்களாக நடைபெற்றது. இறுதி நாளான இன்று மாநாட்டில் சிறப்பு விருந்தினராக கலந்து கொண்ட இஸ்ரோ தலைவர் எஸ்.சோம்நாத், விண்வெளி தொழில்நுட்பத்தின் பயன்பாடுகள் குறித்து தரவுகளுடன் விளக்கம் அளித்தார்.