ஃபெஞ்சல் புயல் நிவாரண நிதியாக ரூ.1.30 கோடி - திமுக எம்எல்​ஏக்​களின் ஒரு மாத ஊதியம் வழங்கல்

சென்னை: ஃபெஞ்சல் புயலால் பாதிக்கப்பட்டவர்களுக்கு நிவாரண உதவி வழங்க, துணை முதல்வர், அமைச்சர்கள், பேரவை துணைத்தலைவர், கொறடா, திமுக எம்எல்ஏக்களின் ஒரு மாத ஊதியம் ரூ.1.30 கோடிக்கான வங்கி வரைவோலை, காசோலைகளை முதல்வர் மு.க.ஸ்டாலினிடம் அமைச்சர் துரைமுருகன் நேற்று வழங்கினார்.

இதுகுறித்து, தமிழக அரசு நேற்று வெளியிட்ட செய்திக்குறிப்பு: தமிழ்நாட்டில் ஃபெஞ்சல் புயல் காரணமாக ஏற்பட்ட கனமழையால் பாதிக்கப்பட்ட விழுப்புரம். கடலூர், கள்ளக்குறிச்சி, திருவண்ணாமலை, கிருஷ்ணகிரி, தருமபுரி ஆகிய மாவட்டங்களில் தமிழ்நாடு அரசு போர்க்கால அடிப்படையில் நிவாரணப் பணிகளை மேற்கொண்டு வருகிறது.