தெற்கு ரயில்வே தொழிற்சங்க தேர்தல்: எஸ்ஆர்எம்யு, டிஆர்இயு சங்கங்களுக்கு அங்கீகாரம்

தெற்கு ரயில்வேயில், 10 ஆண்டுகளுக்கு பிறகு நடைபெற்ற ரயில்வே தொழிற்சங்க அங்கீகாரத் தேர்தலில், எஸ்.ஆர்.எம்.யு., டி.ஆர்.இ.யு சங்கங்கள் தலா 25 ஆயிரம் ஓட்டுகளுக்கு மேல் பெற்று, அங்கீகார தொழிற்சங்கங்களாகத் தேர்வாகியுள்ளன.

ரயில்வேயில் முதல்முறையாக 2007-ம் ஆண்டில் தொழிற்சங்க அங்கீகாரத் தேர்தல் நடைபெற்றது. அத்தேர்தலில் தெற்கு ரயில்வே மஸ்தூர் யூனியன் (எஸ்.ஆர்.எம்.யு), டி.ஆர்.இ.யு. ஆகிய தொழிற்சங்கங்கள் வெற்றி பெற்று, அங்கீகாரம் பெற்றன. இதையடுத்து, கடந்த 2013-ல் நடைபெற்ற தேர்தலில் எஸ்.ஆர்.எம்.யு. வெற்றி பெற்றது. இதன்பிறகு, பல காரணங்களால் தொழிற்சங்க அங்கீகாரத் தேர்தல் நடைபெறாமல் இருந்தது.