பணிமூப்பு அடிப்படையில் பயணச் சீட்டு ஆய்வாளர் பதவி உயர்வு: உயர் நீதிமன்ற மதுரைக் கிளை உத்தரவு

மதுரை: அரசு போக்குவரத்துக் கழகத்தில் பட்டதாரி, பட்டதாரி அல்லாதவர் என பாகுபாடு பார்க்காமல் பணி மூப்பு அடிப்படையில் பயணச் சீட்டு ஆய்வாளர் பதவி உயர்வு வழங்க உயர் நீதிமன்ற மதுரைக்கிளை உத்தரவிட்டுள்ளது.

மதுரை அரசு போக்குவரத்துக் கழகம் புதூர் கிளையில் நடத்துனராக பணிபுரியும் கண்ணன், உயர்நீதிமன்ற மதுரை அமர்வில் தாக்கல் செய்த மனுவில்: "மதுரை அரசு போக்குவரத்துக் கழகத்தில் 1994-ல் நடத்துனராக பணியில் சேர்ந்தேன். தற்போது சிறப்பு நிலை நடத்துனராக பணிபுரிந்து வருகிறேன். அரசு போக்குவரத்துக் கழகத்தில் நடத்துனர்களாக பணிபுரிபவர்களுக்கு பயணச்சீட்டு ஆய்வாளர் பதவி உயர்வு வழங்கப்படும். 1985-ம் ஆண்டின் பொதுப் பணி விதிகள்படி பயணச்சீட்டு ஆய்வாளர் பதவி உயர்வில் பட்டதாரி நடத்துனர்களுக்கு 25 சதவீத ஒதுக்கீடு வழங்க வேண்டும்.