‘பழனிசாமியின் பயப் பட்டியலும்; பாஜக பாசமும் அதிகம்’ - அமைச்சர் கே.என்.நேரு சாடல்

சென்னை: “பழனிசாமியின் பயப் பட்டியல் நீளம். பாஜக மீதான பாசமும் அதிகம். அதனால்தான், அதிமுக பொதுக்குழுவில் நிறைவேற்றப்பட்ட தீர்மானங்களில் திமுக அரசுக்கு எதிரான தீர்மானங்களுக்கு ’கண்டனம்’ என்றும், மோடி அரசுக்கு எதிரான தீர்மானங்களில் ’வலியுறுத்தல்’ என்றும் சொல்லி பாஜக பாசத்தை வெளிப்படுத்தியிருக்கிறார்.” என சாடியுள்ளார் திமுக மூத்த அமைச்சர் கே.என்.நேரு.

இது தொடர்பாக அவர் வெளியிட்டுள்ள அறிக்கையில், “பாஜகவோடு கள்ளக் கூட்டணி வைத்திருக்கும் அதிமுக அதனை மணிக்கொரு முறை நிரூபித்துக் கொண்டே இருக்கிது. அதிமுக பொதுக்குழுவில் நிறைவேற்றப்பட்ட தீர்மானங்களில் திமுக அரசுக்கு எதிரான தீர்மானங்களுக்கு ’கண்டனம்’ என்றும், மோடி அரசுக்கு எதிரான தீர்மானங்களில் ’வலியுறுத்தல்’ என்றும் சொல்லி பாஜக பாசத்தை வெளிப்படுத்தியிருக்கிறார்.