360: மாணவர்களுக்கு இலவசப் புத்தகம்

மதுரையில் நடைபெற்றுவரும் புத்தகக்காட்சியில், தமிழ்நாடு அரசின் ‘இல்லம் தேடிக் கல்வி’ அரங்குக்கு வரும் அரசுப் பள்ளி மாணவர்களுக்கு, ‘புத்தகக் காட்சிக்கு நாம் ஏன் வர வேண்டும்?’ என்ற தலைப்பிலான புத்தகம் இலவசமாக வழங்கப்படுகிறது. புத்தகக் காட்சிக்கு வருவதன் மூலம் ஒரு மாணவனுக்கு ஏற்படும் நல்ல மாற்றம் கதையாகச் சொல்லப்பட்டுள்ளது. பள்ளி ஆசிரியர்களான சக.முத்துக்கண்ணன், ச.முத்துக்குமாரி, ரா.ராணி குணசீலி ஆகியோர் இணைந்து இந்நூலை எழுதியிருக்கிறார்கள். தொடர்புக்கு: 99440 94428.

சலுகை விலையில் ‘என்றும் காந்தி’ - நாளை (அக்டோபர் 2) காந்தி ஜெயந்தியை முன்னிட்டு மதுரை காந்தி மியூசியம் வளாகத்தில் அமைந்துள்ள காந்திய இலக்கியச் சங்கத்தில் சிறப்புப் புத்தகக்காட்சி ஏற்பாடு செய்யப்பட்டுள்ளது.