ஆக்ஷனுடன் கூடிய ஜாலி படம்: ‘ஜீப்ரா’ இயக்குநர் தகவல்
சத்யதேவ், பிரியா பவானி சங்கர், சத்யராஜ் நடித்து கடந்த மாதம் 22-ம் தேதி வெளியான படம், ஜீப்ரா.
![ஆக்ஷனுடன் கூடிய ஜாலி படம்: ‘ஜீப்ரா’ இயக்குநர் தகவல்](https://static.hindutamil.in/hindu/uploads/news/2024/12/08/xlarge/1342539.jpg)
சத்யதேவ், பிரியா பவானி சங்கர், சத்யராஜ் நடித்து கடந்த மாதம் 22-ம் தேதி வெளியான படம், ஜீப்ரா. தெலுங்கில் உருவான இந்தப் படம் தமிழிலும் வெளியாகி வரவேற்பைப் பெற்றது. இந்தப் படத்தை இயக்கிய ஈஸ்வர் கார்த்திக், தமிழில் ஏற்கெனவே கீர்த்தி சுரேஷ் நடித்த ‘பெண்குயின்’ படத்தை இயக்கியிருக்கிறார். அவர் கூறியதாவது:
ஜீப்ரா படம் சிறந்த வரவேற்பைப் பெற்றிருக்கிறது. தெலுங்கு, தமிழ், கன்னடம் என 3 மொழிகளில் வெளியான இந்தப் படம் கவனிக்கப்பட்டதில் மகிழ்ச்சி. பெண்குயின் படத்தை முடித்துவிட்டு, அடுத்த படத்தை வித்தியாசமான கதையாக உருவாக்க நினைத்தேன். வங்கிகளில் நடக்கும் குற்றங்கள் பொதுவாக வெளியே தெரியாது. தெரிந்தால் வங்கியின் பெயர் கெட்டுவிடும் என்று நினைத்துச் சொல்ல மாட்டார்கள். வங்கி தொடர்பாக நான் படித்தது, கேள்விப்பட்டது ஆகியவற்றைச் சேர்த்து இந்தக் கதையை உருவாக்கினேன்.