பாம்பன் புதிய ரயில் பாலம் பயன்பாட்டுக்கு வருவது எப்போது?

ராமேசுவரம்: பாம்பன் புதிய ரயில் பாலம் கட்டி முடிக்கப்பட்டு, சோதனை ஓட்டங்கள், ஆய்வு பணிகள் நிறைவடைந்த நிலையில் பாதுகாப்பு ஆணையர் சில குறைபாடுகளை சுட்டிக் காட்டியிருந்தார். அதற்கான பணிகள் நடைபெற்று வரும் நிலையில், பாலம் திறக்கப்படுவது எப்போது என்ற கேள்வி எழுந்துள்ளது.

ஆங்கிலேயர் ஆட்சிக் காலத்தில் சென்னையிலிருந்து இலங்கையின் கொழும்பு வரை போக்குவரத்து வசதியை ஏற்படுத்த திட்டமிடப்பட்டது. அதன்படி சென்னை எழும்பூரிலிருந்து தனுஷ்கோடி வரை ரயில் பயணம், தனுஷ்கோடியிலிருந்து தலைமன்னார் வரை கப்பல் பயணம், மீண்டும் தலைமன்னாரிலிருந்து கொழும்பு வரை ரயில் ரயில் பயணத்தை மேற்கொள்ள திட்டமிடப்பட்டது.