திண்ணை: திறனாய்வு நூல்களுக்கு ‘பஞ்சு பரிசில்’

தமிழியல் திறனாய்வில் குறிப்பிடத்தக்க ஆளுமையான பேராசிரியர் க.பஞ்சாங்கத்தின் பெயராலமைந்த ‘பஞ்சு பரிசில் 2022’ விருதுக்கு நூல்கள் வரவேற்கப்படுகின்றன. இலக்கியம், இலக்கணம், மொழியியல், வரலாறு, நுண்கலைகள், தொல்லியல், நாட்டுப்புறவியல், மானுடவியல் சார்ந்த திறனாய்வு நூல்களும் ஆய்வு நூல்களும் தேர்வுக்குரியன; படைப்பிலக்கிய நூல்கள் தேர்வுக்கு உரியவை அல்ல. தேர்வுக்கு அனுப்பும் நூல் 2022 ஜனவரி முதல் 2023 ஜனவரி வரையிலான காலப் பகுதியில் வெளியிடப்பட்டிருக்க வேண்டும். இந்த விருது ரூ.10,000 பண முடிப்பும் பாராட்டுக் கேடயமும் அடங்கியது. மேலதிகத் தொடர்புக்கு: 94442 34511