தேனியில் தொடர்மழை: போடிமெட்டு மலைச் சாலையில் சரிந்து விழுந்த ராட்சத பாறைகள்

போடி: தொடர் மழைக்கு போடிமெட்டு மலைச்சாலையில் இரண்டு ராட்சத பாறைகள் சரிந்து விழுந்தன. இயந்திரத்தால் இவற்றை அகற்ற முடியவில்லை. ஆகவே துளையிட்டு சிறு பாறைகளாக்கி இவற்றை அகற்ற நெடுஞ்சாலைத் துறையினர் முடிவு செய்துள்ளனர்.

தேனி மாவட்டத்தில் தமிழக கேரள எல்லையை இணைக்கும் முக்கிய சாலையாக போடிமெட்டு அமைந்துள்ளது. போடி அருகே முந்தலில் இருந்து 20 கிமீ. தொலைவில் 17 கொண்டை ஊசி வளைவுகளுடன் இந்த மலைப் பாதை உள்ளது. சர்வதேச சுற்றுலா தளமான மூணாறுக்குச் செல்லும் பிரதான சாலையும் இதுதான். இதனால் ஏராளமான வாகனங்கள் இந்த வனச்சாலையை 24 மணி நேரமும் கடந்து சென்று கொண்டிருக்கின்றன.