மாநகராட்சி இடத்தை மனைவி பெயரில் வாங்கினாரா? - தஞ்சை திமுக மேயருக்கு எதிராக தடதடக்கும் சர்ச்சை!

தஞ்சை மாநகராட்சிக்கு சொந்தமான இடத்தை சட்டவிரோதமாக மனைப் பிரிவுகளாக மாற்றியதாகவும் அதில் ஒரு மனையை மேயர் தனது மனைவி பெயரில் பத்திரப்பதிவு செய்திருப்பதாகவும் சர்ச்சை வெடித்து விவகாரம் கோர்ட்டுக்கு வந்திருக்கிறது. தஞ்​சாவூரில் கடந்த 1973-ல் அருளானந்​தம்​மாள் நகர் உருவாக்​கப்​பட்​டது. இந்த மனைப்​பிரிவு உருவான போது நகராட்சி (அப்​போது நகராட்சி) பொதுப் பயன்​பாட்டுக்காக சுமார் 45 ஆயிரம் சதுர அடி இடம் ஒதுக்​கப்​பட்​டது.

இந்த நிலை​யில், கந்தர்​வகோட்​டையைச் சேர்ந்த பொன்​னாமணி என்பவர் அந்த இடம் தனக்​குச் சொந்தம் எனக் கூறி அதனை மனைப்​பிரிவு​களாகப் பிரித்து விற்க முயன்​றார். ஆனால், நகராட்சி ஆவணங்​களில் அது நகராட்சி இடம் என இருந்​த​தால் மனைப்​பிரிவுக்கு அனுமதி பெறு​வ​தில் சிக்கல் ஏற்பட்​டது. இதையடுத்து, பொன்​னாமணி பழைய கிரைய பத்திரத்தை வைத்து சிலரின் துணை​யோடு அந்த இடத்தை தனது பெயருக்கு மாற்றி​யுள்​ளார். இதைவைத்து கடந்த ஆண்டு இந்த மனைப்​பிரிவுக்கு அனுமதி கொடுத்​திருக்​கிறது மாநக​ராட்சி.