முதல்வர் தினமும் பயணிக்கும் சாலையில் வாகனங்களை பதம் பார்க்கும் பள்ளங்கள்!

சென்னை மாநகராட்சியில் 387 கிமீ நீளம் கொண்ட 471 பேருந்து தட சாலைகள் உள்ளன. 5 ஆயிரத்து 270 கிமீ நீளம் கொண்ட 34 ஆயிரத்து 640 உட்புற சாலைகளும் உள்ளன. பேருந்து தடச் சாலைகளை மாநகராட்சி தலைமையகத்தில் உள்ள சாலைத்துறை பராமரித்து வருகிறது. உட்புற சாலைகள் அந்தந்த மண்டலங்கள் மூலமாக பராமரிக்கப்பட்டு வருகின்றன.

மயிலாப்பூர், ராயப்பேட்டை பகுதியில் செல்லும் டாக்டர் ராதாகிருஷ்ணன் சாலையை மாநகராட்சி சாலைத்துறை நேரடியாக பராமரித்து வருகிறது. இந்த சாலை கருணாநிதி முதல்வராக இருந்த காலத்தில் இருந்தே விஐபி சாலையாக இருந்து வருகிறது. ஜெயலலிதாவும், கருணாநிதியும் மாறி, மாறி முதல்வராக இருந்தபோது பயணித்த சாலை இது. இப்போது முதல்வராக உள்ள ஸ்டாலினும் இந்த வழியாகவே பயணித்து வருகிறார்.